Yaa Dilay Bayloodka ???

11698388_1432727360387138_533317114473817529_nAllah ha u naxariiste waxaa magaalada Qardho lagu dilay galabnimadii 7 Bishan December Baylood ahna aqoonyahan sare Faarax Axmed Maxamed Nuux  oo loo yaqaanay ”Faarax Dalxiis”, ninka dilay marxuumka ayaa la sheegay inuu bastoolada ugu soo dhiibay Cabdiqaadir Yasiin Xanaf oo ah ninka ugu sarreeya ururka Alictisaam magaalada Qardho dhinaca dhaqaalaha iyo digdigta.

Cabdiqaadir Xanaf ayaa la sheegay inuu ka xanaaqay qoraalo u bayloodku ku qori jiray Facebook iyo weliba hadalo kulul oo u goobaha fadhi ku dirirka kaga wareerari jiray urur diimeedka Alictisaam.

Ninka dilay aqoonyahanka ayaa ka soo jeeda isla beesha u ka dhashay Cabdiqaadir Xanaf ee Cismaan Maxamuud oo iyadu ka mid ah beelaha ugu awooda badan magaalada halka baylood Faarax dalxiis u ka soo jeedo beesha Cabdiraxiim Ibraahim.

 

Baylood Faarax Dalxiis aya aha duuliye sare todobaatanaadkii, sidoo kale wuxuu aha aqoonyahan arday badan aflixiyey.

 

Magaalada Qardho ayaa ah goob aan lagula hadli karin nin ka soo jeeda Beesha Cismaan maxamuud ficil kasta oo gurrucan oo u geysto, taasina waa sababta illaa hadda cadaaladu u arki la’dahay arxan laawaha dilay aqoonyahan sare Faarax Dalxiis.