Galmudug Oo Warsaxaafadeed Ka Soo Saartay Eedeyntii Puntland.

War-Saxaafadeedka Galmudug kasoo baxay ayaa looga jawaabay hadal kasoo baxay maamulka Puntland oo ahaa in dagaalkii Gaalkacyo ay qeyb ka ahaayeen Kooxda Al-Shabaab oo garabsiineysa dhinaca Maamulka Galmudug.

War-Saxaafadeedka kasoo baxay Galmudug ayaa u qornaa sida tan:

Waxaa maanta ka dhacay magaalada Gaalkacyo dagaal u dhaxeeyay Ciidamada Dowlad- Goboleedka Galmudug iyo kuwa Puntland kadib markii ay dhismo ka bilaabeen dhul aan dhismo loogu talo gelin oo murano ka jireen iyaga oo howlgalkooda ka bilaabay rasaas ay soo fureen, ciidamada Galmudugna halkaas ayay difaac iyo iska cabin ka bilaabeen.

Waxaa wax lala yaabo ah in Puntland Warsaxaafadeed ku soo saarto waxaa na soo weerar Ciidamada Galmudug iyo Al-Shabaab isgarabsanaya taas oo ah faham aad u hooseeya, waayo wax isgarabsi ama cilaaqaad ah oo ka dhaxeeya ama ka dhaxaynkara Dowlad Goboleedka Galmudug iyo Al-Shabaab ma jiro, balse Galmudug iyo Al-Shabaab waxaa ka dhaxeeya dagaal, waxaana ka go’an Galmudug in ay ka sifeyso degaanadeeda Al-Shabaab.

Waxaa kale oo nasiib darro ah in Puntland ku sheegtay war-saxaafadeedka ay soo saartay in duulaanku uu ah mid aargoosi ah oo looga jawaabayo dagaalki jeexdin, taas oo aan u aragno in ay Puntland ugu saantirayso weerarka ay soo qaaday waxayna caddayn u tahay waxa xumaatada ah ee ka buuxa qalbiyada maamulka Puntland. Halka Galmudug ay ka go’antahay ku shaqaynta mabaadiiada nabad-ku-wada noolaasho dhexe marata laba shacab iyo labada maamul sida aan horayba ugu baaqnay marar badan.

Galmudug waxy u bandhigaysaa Dowladda Federaalka Soomaaliya iyo beesha caalamkaba( EU, AU, IGAD) in ay hoos u eegaan dhadhansadaana erayada deelqaafka ah ee mar walba kasoo baxaya maamulka Puntland, isla markaana xal loo helo erayada ah Galmudug iyo Al-shabaab is garabsanaya ayaa na soo weeraray, iyo Al-shabaab ayaa lagu laayaya Jeexdin, taas oo aan u aragno in Puntland ay dab shidan ku sii shubayaan shidaal, waxaana uga digaynaa Maamulka Puntland ku cel-celinta erayadaas ay beryahan caadada ka dhigteen, ku cel-celinta erayadaas wixii cawaaqib xumo ah ee ka yimaada waxaa masuuliyadeeda qaadi doona Maamulka Puntland.




Faafin: Sirqarsoon@gmail.com

Reeb Fariin

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s